Model Village a hmalak dan tur sawiho

Tuirial bialtu MLA Hmingdailova Khiangte in model village atana a thlan Thingdawlah, nimin khan a hoin hmalak dan tur ngaihtuah a ni.

Meeting hi Thingdawl BDO V Lalruatliana'n kaih-hruaiin, Hmingdai-lova Khiangte chuan, model village ni turin khawtlang inrelbawlna ṭha leh ei leh bara intodelh ngaihpawimawh hmasak a ngaih thu sawiin, "Model village hi a hlawhtlin theihna atan mipui leh department-te
ṭanrualna a pawimawh a ni," a ti.

Meeting-ah hian department hrang hrangten model village atana hma lak dan tur ruahmanna an siamte mipui hmaah pharhin, mipuite'n an pawm.