Maharashtra PSC hotute rawn zin

Maharashtra Public Service Commission hotute chu Mizoramah an rawn zin a, nimin khan Mizoram Public Service Commission an tlawh a, MPSC hotute nen an inkâwm.

Maharashtra PSC hotute hi chairman Dr Dilip Pandharpatte hoin PSC member pathum, secretary leh under secretary-te an ni a, October 25 khan Aizawl an rawn thleng. Nimina MPSC an tlawhnaah hian chairman JC Ramthanga, member Vanlalngaihsaka, secretary Vanlalmawia leh hotu dangte'n an lo dawngsawng a ni.

Dr Dilip Pandharpatte chuan, state hrang hranga PSC-te intlawh leh inzir tawn a pawimawh thu leh, Mizoram chu state tê ni mah se, PSC zahawm leh hmingṭha tak a nih thu a sawi.