Khawvela pûk thui ber luhchhuak

Zotrek Adventure Club member-te chuan khawvela pûk (sandstone cave) thui ber, km. 24.5-a thui Krem Puri, Laitsohum, Meghalaya chu October 23, 2023 khan an luhchhuak.

Krem Puri hi Zotrek Adventure Club member 30-in an luhchhuah a, Laitsohum Tourism Development Society-a mi paliin an kaihruai a; zing dar 7-ah lut ṭanin, zan dar 8:30-ah an luhchhuak a ni. Zotrek member zinga mi Mercy Lalpekhlui, Zarkawt chu Krem Puri luhchhuah tawh zinga naupang ber nia an hriat thu anmahni kaihruaitute chuan an sawi.

Pûk luh chhung hian harsatna lian tham tâwk an awm loh rualin, mi pakhat chuan oxygen a tlâkchham avangin a buai deuh a, mahse, rei lo tê a hahchawlh hnuah ngai a awh leh tih an sawi a ni.