DEO-in bank hotute a kâwm

Aizawl district election officer Nazuk Kumar, bawrhsap chuan nimin khan DC conference hall-ah bank hrang hrang hotute a kâwm a; MLA inthlanpui awm turah candidate-te bank account vil uluk turin a chah.

Nazuk Kumar chuan, Mizoram chu khawtlang nun felfaiin, inthlan kalphung hahdam viau mah se, mawhphurhna chelhtute chu inthlahdah loa an tih tur chin ṭheuh uluk taka an hlen a pawimawh thu a sawi.

Expenditure observer Nayanjyothi Nath pawhin ni tin report pek tur a nih thu te, sum tam tham lut leh chhuak te, state páwn aṭanga transaction tam tham lut leh thil dang rinhlelhawm awm theite uluk taka vil a pawimawh thu a sawi bawk.