Saihnuna chawimawina lung phun

Leng lal, hlaphuah thiam Saihnuna Fanai chawimawina lung nimin khan Saihnuna hall, Leng khuaah phun a ni a, minister pahnih R Lalzirliana leh Lalrinmawia Ralte in an hman pui.

R Lalzirliana chuan Saihnuna Fanai sulhnu ropui a tih thu sawiin, "Mizoram, khaw 800 chuang awmnaah hian mitthi an awm a lumen leh mitthi chhungte kan inlenpui apiangin a hlaphuah pakhat tal kan sak ka ring a ni" a ti.

Lalrinmawia Ralte pawhin Sai-hnuna Fanai chu mi ropui leh ngaih-sanawm tak a nih thu sawiin, "Lal nimahse chapo miah lo, tlawm em em a nite hi mi rilru hnehtu a ni. Lal nichung si a, nawmchen leh hlimhlawp ringawt buaipui loa Vanram ngai tak leh Pathian zah taka a awm hian amah pawh a tizahawm lehzual a, a nun atang hian zirtur kan ngah hle," a ti.

Saihnuna Fanai hi kum 1896 khan Ṭhiak khuaah a piang a, December 26, 1915 ah nupui atan Lalzami, Khawhri lal fanu neiin fa 11 an nei. July 5, 1921 ah Kristian-ah inpe in kum 1927 aṭanga a boral ni June 17,1949 thleng Leng lal a ni. Hla 100 vel bawr a phuah ni a hriat niin, tunah hian 80 chiah hmuhchhuah a la ni.