HSLC examination ṭan a ni

Mizoram Board of School Education (MBSE) buatsaihin nimin khan High School Leaving Certificate (HSLC) examination ṭan a ni a, kum dang aiin private candidate an tlem.

HSLC exam hi centre 109 ah neih niin, zirlai 18,091 ten exam hi an bei. Regular-a exam mi 17,667 an ni a, private-a exam chu zirlai 424 an ni. Zirlai exam zawng zawng zinga 9,146 hi hmeichhia niin 8,945 chu mipa an ni. Nikum khan private candidate 5,191 an awm a, kumin aiin 4767 in an tam.

Vanglaini palai zawhna chhangin MBSE chairman Lalchungnunga chuan private candidate an tlem chhan chu kum danga sikul hrang hrangain an neih ṭhin zirlai thiam thei lo thlitfimna (selection test) neih ṭhin chu phal a nih tak loh vang a nih thu a sawi.