Lawngtlaiah RTI zirna buatsaih

Department of Personnel & Training bul tumin, Administrative Training Institute chuan nimin khan Lawngtlai DC conference hall-ah RTI Act zirhona an buatsaih a, addl. DC R Lalsangluaia'n a hawng.

R Lalsangluaia chuan RTI Act-in sorkar hnathawkte tan leh ram mipuite tan mahni zawn ṭheuha ram rawngbawl theihna kawng zau takin min hawnsak tih sawiin, "Hei hi kan hmang ṭangkai thiam hle tur a ni," a ti a a; RTI zir tura thlan kalkhawmte chu ṭha taka RTI chungchang zir tur leh hre chiang turin a fuih.

ATI deputy director Vanlalvuana pawhin thu sawiin, "Right to Information policy nei ṭha ram apiang hi an changkang chak zawk tih khawvelin a hriat tawh avang leh hemi atana sum sen hi channa a ni lo tih finfiah a nih avangin nasa zawka kan beih zel a ṭul a ni," a ti.

Training-ah hian Lawngtlai district chhunga departmental appellate authority, public information officer, assistant public information officer leh RTI dealing staff-te an tel.