MZP-in Zirlaite Ni an hmang

Mizo Zirlai Pawl (MZP) chuan nimin khan MZP conference hall-ah Zirlaite Ni an hmang a, MZP din champha vawi 88-na an lawm nghal a, zirlai hruaitu pass thar mi 68-te lawmpuina an hlan. MZP President chuan, zirlaite account-ah November 3, 2023 hma ngeia scholarship second instalment a luh loh chuan na taka nawr an tum thu a sawi.

MZP president H Lalthianghlima chuan, zirlaite hnenah scholarship second instalment pek a la ni lo chu an vei thu sawiin, "Zirlaite'n an chanvo scholarship hi an dawn vat theih nan kan en zui reng a, November 3, 2023 hma ngeia zirlaite bank account-ah a lut lo a nih chuan na taka nawr a ni ang," a ti. MZP hun hman hi School Education director Lalsangliana'n a hmanpui.

MZP hi October 27, 1935-ah din a ni a, a tirah chuan Lusai Student Association tih niin, kum 1947-ah Mizo Zirlai Pawl tia thlak a ni.