Duhoma'n sum siam nan a fund a hmangah kan ngai - MNF Media

MNF Media & Pub-licity department hotute chuan nimin khan Aizawl Press Club-ah thuthar thehdarhtute an kâwm a; Serchhip bialtu MLA Lalduhoma'n sum siamna atan MLA fund a hmang nia an ngaih thu an sawi.

MNF Media general secretary VL Krosshnehzova chuan, Lalduhoma’n MLA fund aṭanga Zoremsangi w/o H Zoramsiama, Serchhip Dinthar a kan chungchangah, Zoremsangi'n Serchhip MNF hruaitute hnenah Rs 1,000 chiah a dawn thu a sawina leh a pasal H Zoramsiama’n Rs 2,50,000 an dawn loh thu a sawina (voice record) an neih thu a sawi a, "Rin tlakah ngaiin sum hi chhehrelh a awm ni ngeiah kan ngai," a ti.