ZPM inkhawmah vantlang himna

ZPM party chuan nimin khan an pisaah political session hun an hmang a, ZPM Research Wing-a mi Laldikkimi'n 'Social security and study’ tih thupui a sawi.

Laldikkimi chuan, social security-in a tum ber chu ram mipui an nun khawchhuah theihna tura ruahmanna siam a nih thu sawiin, "Mizorama sorkar kan hrawn tawhte'n social security & welfare an ngai pawimawh tâwk lo a, social pension a hunah an pe hleithei lo a, kan healthcare system pawh innghahna tlak a tling ta meuh lo," a ti.

Mizorama jail hrang hrangah táng an tâwt thu leh home/centre hrang hrang a tam thu sawiin Laldikkimi chuan, "Nun bul an ṭan ṭhat leh theih nan leh khua leh tui ṭha an nih theih nan ZPM chuan hma kan la dawn a ni," a ti a; Mizoramin kalphung thar a mamawh tak zet a, chu chu mipuiin an nghahhleh tak zet thu a sawi bawk.