Inthlan atana hmalakna hrilhfiah

Saitual district election officer Dr Lalngura Tlau, bawrhsap chuan nimin khan DC conference hall-ah thuthar thehdarhtute a kâwm a, MLA inthlanpui awm tura an inbuatsaih dante a sawifiah. DEO chuan, vawiin aṭangin postal ballot hmanga vote thlak turte vote thlakna hmun hawn a nih dawn thu a sawi a, Saitual district-ah service voter 521 leh in lama vote thlak tur mi 156 an awm thu a sawi.

Hnahthial district election officer Chuauhnuna, district bawrhsap pawhin nimin khan DC conference hall-ah thuthar thehdarhtute a kâwm a, MLA inthlanpui atana an hmalaknate a hrilhfiah. DEO chuan, inthlan endiktu te, returning officer-te leh nodal officer-te bakah, police-te nen thawhhona ṭha tak an nei mek tih a sawi.