AMC budget atan vbc. 31.01 pawm

Kum 2016-2017 atana Aizawl Municipal Corporation (AMC) budget cheng vbc. 31.01 chu nimin khan Board of Councillor meeting-ah pawm a ni.

Meeting-ah councillor hrang hrangten budget chungchang hi an sawi a, hriatfiah loh an neihte chu budget pharhtu AMC dy. mayor Lalringliana'n a sawifiah. AMC budget-ah hian sum hmanna tura ruahman a nih dan chuan vbc. 16.57 chu Re-venue expenditure tur niin, vbc. 14.44 chu capital expenditure tur a ni.

Lalringliana chuan capital expen-diture a tlem zawk chhan chu revenue expenditure huam chhungah hma-sawnna hnathawhna tur dah a nih tho vang a ni tih Vanglaini a hrilh a, "Capital expenditure chu hna lian tham thawhna atana ruahman a ni," a ti.

Meeting-ah hian ward-I councillor R Zomuanpuii put luh, 'AMC huam chhunga Bawngkawn to Selesih road BRTF-in an enkawl mek hi ṭha zawka enkawl a nih theihna atan AMC-in hma la rawh se,' tih pawh pawm a ni.