Serchhipa dawrte anmahni dawrtute chhinchhiah turin ti

Serchhip SP R Sathi­ya­sun­daram chuan thupek chhuahin, Ser­chhipa dawrte chu an­mah­ni dawrtute nen inhnim hnaih­na (physical contact) an nei a nih chuan, anmahni dawrtute hming leh address kimchang chhinchhiah zel turin a hriattir a; chhinchhiahnate chu Serchhip SP emaw, a aiawh emawte'n a ṭul hunah an endik ṭhin dawn tih a tarlang.

Serchhip SP chuan, gymnasium, beauty par­lour, spa, lu mehna leh infiamna hmun hrang hrangah dawrtu emaw, lut leh chhuakte reng reng mumal taka chhin­chhiahna nei turin a hriattir a, "Hotel leh thing­pui dawr neitute'n anmahni dawrtute chhin­chhiahna register an nei ngei tur a ni. Dawr neitu­te'n anmahni dawrtu (physical contact) an nei a nih chuan dawrtute hming leh address kimchang an nei ngei tur a ni bawk," a ti.

Chhinchhiahnaah chuan, dawrtu hming, pa/nu hming, address kimchang, eizawnna, phone number leh dawr hun leh níte chhinchhiah tur a ni.