HSSLC exam ṭan

Mizoram Board of School Education (MBSE) buatsaihin nimin khan Higher Seconday School Leaving Certificate (HSSLC) exami-nation ṭan a ni a, ṭum dang aiin kumin hian pri-vate candidate an tlem.

HSSLC exam hi centre 73 ah neih niin, zirlai 11,382 ten exam hi an bei a; regular candidate 10,869 leh private candidate 513 an ni. Nikum khan zirlai 10,156 in exam an hmachhawn a, regular 7,006 leh private 5,180 an ni. Nikum aia kumina candidate punna hi 1,226 a ni. Nikum HSSLC exam ah khan private candidate 3150 an awm thung.

Arts subject-ah kumin hian exam beitu zirlai 8922 awmin, regular 8482 leh private candidate 440 an ni a, science-ah candidate 1906 an awm a, regular 1835 leh private 71 an ni. Commerce-ah regular 552 leh private pahnih awmin, an vaiin candidate 554 an awm.