Transport department-in an sawifiah

Transport department chuan thu-chhuah siamin, Commercial Vehicle Joint Action Committee-in nawrh an huaihawt chungchangah thu hriat chian loh a awm nuala an hriat avangin an sawifiah.

Transport dept. tarlan danin, pick-up truck, medium goods vehicle leh heavy goods vehicle leh bus-te chuan lifetime tax pek a ngai lo. Tax hi motor hlui chu a motor kum paihin sorkar laipuiin depreciation rate a siam angin lak tur a ni.

Taxi zawng zawng hi local taxi an nih vek avangin All Mizoram Taxi permit awm ṭhin chu tihtawp a ni. A chhan chu khaw tin deuhthawah taxi a awm tak avang leh an service-ah an intihbuai ṭhin vang a ni.

Ṭul bik thilah chuan taxi-te hi STA in special road permit a pe ang a, emergency/chhiat tawh/thih thuahte chuan hriat thiamna neih a ni ang.

All Mizoram Maxi-Cab permit pawh tihtawp a ni a, a chhan chu permit neite an duh duhna hmunah an tlan theih bik avangin midang service an tibuai thei a ni.