Hnahthialah Chapchar Kut hmanna tur kang

Nilaini zan dar 9:30 vel khan Hnahthial khawpuiin Chapchar Kut an hmanna tur Pasalṭha Mual, Denlunga Mizo in sak, leihkapui dawh leh stage atana siamte a kang.

Kangmei chhuak hi Denlung khawtlang chuan ṭhelh tum mah se, a ṭhelh thei lo. Chapchar Kut Orga-nising Committee-te chuan nizan khan Denglung hi an pan nghal a, Hnathial PS-ah FIR an thehlut. Hnahthial police-te pawh a hmunah kalin thil awm dan an enfiah nghal

Organizing secretary C Lalram-din-sanga hnen aṭanga thu dawn danin, Nilaini hian Denlung Branch YMA pawhin helai hmunah hian lam an zir a, zanah pawh decoration committee-in a chei dan tur an en a, an haw hnu lawkah a kang tih hriat a ni.

Kangmeiin a tihchhiatte hi nimin khan Hnahthial khawpui chhunga branch YMA-te'n an siam ṭha a ni.