KHAWTHLIR

Chapchar Kut

Vawiin hian Mizoin kut kan neih zinga ropui ber Chapchar Kut chu Mizoram hmun hrang hrangah hman a ni dawn a, a hmanna pui ber Aizawlah chuan Lammualah Home minister R Lalzirliana Kut Pa a ni ang a, Art & Culture minister R Romawia chu Kut Thlengtu a ni ang. District hrang hranga Chapchar Kut lawmna sorkar mi pawimawhte'n an hmanpui ang.

Thisen pe

PYD (Mizoram UPC), Lunglei chuan nimin khan Lunglei Civil Hospital-ah a mamawh
apiangte hman atan thisen unit 24 an pe a, thisen petute hi hmei-chhia 13 leh mipa 11 an ni. Nimin vek khan PYD (Mizoram UPC), Mamit chuan Mamit district hospital-ah thisen unit 12 an pe, thisen petute hi mipa 10 leh hmeichhia pahnih an ni.

Tlan phal lo

Traffic SP chuan thu-chhuah siamin, vawiin zing dar 9 aṭanga tlai dar 5 thleng Vaivakawn leh Bazar Bungkawn inkar an siam dawn avangin hemi hun chhung hian lirthei tlan phal a nih loh thu a tarlang.

Mamitah training

Mamit District Treasury chuan, nimin khan DIET training hall-ah an district chhunga sorkar department-a bill assistant leh cashier-te tan training an buatsaih a, bill form hrang hrang leh a kaihhnawih hna pawimawh an zirtir.

RUSA workshop

Govt. Lunglei College-ah nimin khan, 'One Day Sensitization Workshop on Rashtriya Uchchatar Shiksha Abhiyan (RUSA)’ neih a ni a, Lunglei DC Abhijit Vijay Chaudhari-in a hmanpui.

Photo Exhibition

Mizo Photographers’ Society (MPS) bultuma Vanapa Hall-a Chapchar Kut 2016 Photo Exhibition buatsaih chu nimin khan I&PR director Jim K Chozah-in a hawng. Exhibition-ah hian thlalak 146 vel pholan niin March 5 thleng a awh ang.