State ṭha berah Mizoram an thlang - MPCC

MPCC chuan thuchhuah siamin, India leh khawvel ram dangte zir chianga, kawng hrang hranga sorkar teh ṭhintu Public Affairs Centre, Bangalore chuan ram leh sorkar inrelbawlna kawng hrang hrang an teh naah, India state-te (Small States) zingah Mizoram chu a ṭha berah an thlan thu an tarlang.

MPCC tarlan danin, Public Affairs Centre-te hian India rama states hrang hrang 29 te chu tehfung hrang hrang 28 hmanga an teh hnuah, small states 12 zingah Mizoram sorkar chu pakhatna a ni tih Chief Secretary ziakin an rawn hrilh a, he report a tlangzarhna leh a hawnna programme March 12, 2016 a neih turah Mizoram sorkar aiawha tel turin an sawm nghal a ni.

Mizoram sorkarin kawng hrang hrangin mipui tan theihtawp a chhuah mek thu sawiin MPCC chuan, "Eirukna laka fihlim tur leh miretheite tana belh tlak sorkar nih a, ṭhalaite hmakhaw thlir neih sak hi Chief Minister duhdan a ni," a ti a; Congress chuan Mizoramah politics history siama term thum a zawna sorkar tumin theihtawp a chhuah mek thu an tarlang.