Zawlbuk Group YMA khawmpui an hmang

Zawlbuk Group YMA chuan, March 2-3 chhung khan Sesawngah conference an hmang a, Lalruatkima, MLA in a hman pui.

Lalruatkima chuan YMA chu Mizote rohlu a nih thu sawiin, "YMA awm chhung chuan kan hnam a tluchhe lo ang.YMA hian kumpuan ram leh hnam humhalh kum 10 zet kan puan tawhah a hlawh-tlinna tam tak kan hmu tawha, a hlawhtling zel ang. Mizo hnam awm chhung chu Mizote hian ram leh hnam humhalh thupui hi Israel faten thu sawm pek an vawn angin kan vawn reng a
ṭul a ni," a ti.

Central YMA treasurer J Lalsailova chuan kumpuan thupui a sawi. Khawmpuiah hian kum 2016-17 chhung atana hruaitu tur an thlang nghal a, president-ah Lalbiakchama leh secretary-ah C Lalrinawma-te an thlang a ni.

Zawlbuk Group YMA ah hian branch 23 ah member 10,000 vel an awm a ni.