SRS convener nihna inhlan

Central YMA hnuaia ruihhlo dotu pawl supply reduction service (SRS) hruaitu hlui leh tharten Ningani chawhnu khan CYMA office-ah mawh-phurhna an inhlan.

April 11, 2015 aṭanga kumin February thla thleng khan SRS-ah hian CYMA general secretary Lalhmachuana chu convener a ni a, finance secretary Lalrochuanga Pachuau-in a thlak dawn a ni. SRS-ah hian CEC
aṭangin mi 16, Kumpuan Committee aṭangin mi pariat leh branch hrang hrang aṭangin member atan mi 11 ruat thar an ni.

SRS hian April 11, 2015 aṭanga kumin Feb-ruary thla thleng khan heroin hawng 158, cane 1,799 leh chhinsen 159, methamphetimine mum 2,52,800 leh ruihhlo dang engemawzat an man.

Ruhhlo kaihhawihah mi 1,322 an khawm a, an zinga 42 chu home leh centre-ah dah an ni a, Excise dept. kutah mi 69 hlanin, police kutah mi 28 an hlan. A bak mi 738 chu counselling pek an ni.