Kawrthahah helipad tur enfiah

GAD (Civil Aviation) hotute chuan dy. controller Saidenga hoin leh Kawrthah jt. V/C leh jt. YMA-te chuan Ningani khan Kawrthah khuaa helipad hmun tur an enho a, helipad atan hian Meltlang an thlang.

Thudawn danin, Meltlang ramah hian Saidenga leh Kawrthah khawtlang hruaitute hian ram mamawh zat tur an teh fel nghal a, an panna tur kawng siam dan tur pawh an sawiho nghal a ni. Helipad a rang thei ang bera siam a nih theihna atan ṭanho an tum a ni.

Helipad hmun atan hian mimal ram thlan a ni a, ram neitu Hmingthanmawia Ralte S/o R.Lianvela (L) chuan engmah phut loin ram hi a pe a ni. Hmingthanmawia Ralte chungah hian Kawrthah khawtlang hruaitute chuan an lawm thu an sawi.