PHED-in phai damdawi-inah nuai 70 an bá

PHE department chuan phai damdawiin 12-ah an department-a thawktute inentirna leh inenkawlna man Rs. 70,34,874 an ba mek a, sorkar deptt. zingah a ba tam ber dawttu an ni.

RTI Act hmanga zawhna PHE department-in an chhan danin, thawktu damlote'n AMRI Hospital, Kolkata an pan nasa ber a, he damdawi-inah hian leiba Rs. 24,82,629 an nei mek. Leiba an neih zawng zawng Rs. 70,34,874 aṭanga chhûtin AMRI Hospital-a an bá bik hi 35.29% a tling. Damdawi-in dang 11-a an bá belhkhawm chu Rs. 45,52,245 a ni.

PHED-in phai damdawi-ina an bat zat

Damdawi-in Bat zat

1. AMRI Hospital, Kolkata - Rs. 2,482,629

2. TATA Memorial Hospital, Mumbai - Rs. 3,27,781

3. Apollo Hospital, Kolkata - Rs. 1,80,817

4. RG Urology and Laparoscopy Hospital, Kolkata - Rs. 7,96,147

5. GNRC Hospital, Guwahati - Rs. 7,18,873

6. BR Baroah Cancer Institute, Guwahati - Rs. 6,24,419

7. Medica Superspeciality Hospital, Kolkata - Rs. 6,23,608

8. India Spinal Injuries Centre, New Delhi - Rs. 38,490

9. CMC, Vellore - Rs. 9,00,072

10. SKSHEF, Netralaya, Guwahati - Rs. 31,252

11. Guwahati, SSM - Rs. 1,19,257

12. CMRI, Kolkata - Rs. 1,91,529

Total - Rs. 70,34,874