Minister-in NLUP ṭanpuina a sem

AH&Vety minister C Ngunlianchunga chuan Inrinni khan Lawngtlai AH & Vety Office Far-mers' training hall-ah NLUP hnuaia ar vulh thlangtu chhungkaw 154 te hnenah ṭanpuina sum a sem.

C Ngunlianchunga chuan NLUP danwgtute fuihna thu sawiin, "Sorkarin ar note, ar in sakna, ar chaw leina tur leh a damdawi thlengin a pe che u a, a dawngtute hian engtin nge in thawh chhunzawm ve dawn tiin kan thlir zui dawn che u. Hetiang khawpa ṭanpuina felfai hi kan umzui peih loa, kan thawk zawm peih lo a nih chuan hmakhaw eng tak kan tan a vang hle dawn a ni, " a ti.

NLUP ṭanpuina hi mi 149 hnenah Rs. 54,400 ṭheuh, mi pali hnenah Rs. 44,400 ṭheuh leh mi pakhat hnenah Rs. 63350 a sem a ni. Pawisa hi a hmaa an dawn tawh dan a zir pek an ni a, an hnathawh dan tura rua-hman pawh a inang lo.