Kawng chhia zawng dawn ila, a váng viau ang - Lalruatkima

Minister of state Lalruatkima chuan, MNF sorkarah Mizorama kawng chhiate siamṭhat vek a nia sawiin, "Kawng chhia zawng dawn ila, a váng viau ang. Tuna kawng chhia an tih pawh hi kawng siam vang a ni," a ti.

Lalruatkima hian August 13, Ningani tlai khan local council inthlan tura Mission Veng LC atana MNF candidate puanna inkhawmah thu sawiin, kawngpui chhia vangin Mizoram chu a fûr a ṭhálin a buai 

ṭhin a, Zoramthanga kaihhruai sorkarah erawh chuan kawng chhia a váng hle niin a sawi a, "Covid karah buhfai retailer-te'n an stock hnem hle. Storekeeper pakhat phei chuan buhfai a ngah lutuk a, thawn lêt dan a dap hial a ni," tiin, MNF sorkarah mipui an hlim niin a sawi.

Lalruatkima hian MNF sor­kar chhunga an hnathawh hrang hrangte a sawi a, "Kum nga a vei meuh chuan kan manifesto tihhlawhtlin loh kan nei lo ang," a ti. LC inthlan tur chungchangah, "Keini chu work order hûm sain kan inthlang dawn... Ruling lo lam thlan chu lúa sahriak thih loh ang chauh a ni ang," a ti bawk.