BPL siamṭhat tum a ni

Mizoramah Below Poverty Line (BPL) ni tur dik takte chauh BPL member an nih theihna atan Mizoram sorkarin hma a la dawn.

Nimina Vanapa Hall-a FMGEW inkhawmpui a hmanpuinaah thu sawiin, Finance minister Lalsawta chuan, "BPL tehfung dik buatsaih ṭul kan ti. Hemi atan hian baseline survey tih thuai a ni dawn. Mirethei ni châk khawpa kan kalphung a dik tawh lo a nih chuan siamṭhat ngai a awm a ni," a ti a; BPL chu miretheite aia rethei lehzualte awmna tur a nih avangin nih châk chi a nih loh thu a sawi.