COTPA bawhchhia mi 5,824 man tawh

Mizoram State To-bac-co Control Society (MSTCS) chuan, Cigaret-tes and Other Tobacco Products Act (COTPA) dan hnuaiah kum 2008 aṭanga January 2016 thlengin Mizoram pumah mi 5,824 an man tawh a; dan bawhchhia an mana sum chawitir tlingkhawm chu Rs. 2,72,357 a ni.

MSTCS aṭanga thu dawn danin, October 2008 aṭanga January 2016 thleng hian COTPA bawhchhia mi 5,824 an man bakah, cigarette báwm pui (carton) 3,204 leh báwm mal (pack) 3,824 an man tawh.

COTPA Section-4 hnuai-ah mi 5,519 man niin, sum chawi tlingkhawm chu Rs. 2,68,897 a ni a, Section-5 hnuaiah man an awm lo. Section-6(a) hnuaiah mi paruk manin, an sum chawi zat chu Rs. 200 a ni a, Section-6(b) hnuaia mante sum chawi zat chu Rs. 3,260 a ni. Section-7 bawhchhia mi 259 manin, meizial báwmpui 3,204 leh báwm mal 3,663 an mansak bawk.