Vansang thiamna ṭangkaina tur sawiho

Sorkar inrêlbàwlna leh hmasawnna atana vansang thiamna hman ṭangkai dan tur zir-ho--na, 'Mizoram state meet on Promoting Space Technology Sased Tools and Applications in Governance and De-velopment' tih chu ni-min khan Secretariat conference hall-ah buatsaih a ni a, chief secretary Lalmalsawma'n a hawng.

Meet hi Indian Space Research Organization (ISRO), North Eastern Space Applications Cen--tre (NESAC) leh Mizoram Remote Sensing Application Centre (MIRSAC)-te buatsaih a ni a; Mizoram sorkara department hrang hrang aiawhte leh ISRO, NE-SAC leh MIRSAC-a mithiamte an tel.

Chief Secretary chuan, khuarel chhiatna thleng thei hriat lâwkna atan leh ram leilung hausakna hai chhuahna atan vansang thiamna (satellite) chu
ṭangkai taka hman theih a ni tih a sawi a, "Sorkar laipuiin Digital India, Smart City leh hmalakna dang a kalpui turah pawh space technology hi a kipui pawimawh tak tur a ni," a ti.

NESAC director PLN Raju chuan Indian space programme chungchang sawifiahin, "India chuan a ram mipuite’n an chhawr ṭangkai theih tur^--in vansang thiamna a kalpui ṭhin," a ti a; vansang thiamna chu ei leh bar zawnna atan, ram leilung hausakna hai chhuahna atan, khuarel chhiatna chungchang zir chian atan leh thil dang pawimawh hrang hrang atan hman mek a nih thu a sawi.

September 7, 2015-a National Meet on Promoting Space Technology Application-a prime minster Narendra Modi chuan hetianga intawhkhawmna hi state tinah buatsaih tur a ti al; chumi bawhzuina atan chuan Mizoram State Meet hi buatsaih a ni.