Lunglei DC-in Inthlan turah YMA hruaitute kâwm

Lunglei DC V Lalsangliana chuan nimin khan a pisaah August 27, 2020-a village council inthlan tura hmalak dan tur chungchang YMA Sub-Headquarters, Lunglei hruaitute a sawipui.

Lunglei Bawrhsap chuan, State Election Commission (SEC) thuchhuak angin, August 27-ah Lunglei district-a village council 113-ah inthlan buatsaih a nih dawn thu a sawi a, VC inthlan muanawm leh felfai tak neih a nih theihna atan Lunglei Sub-Hqrs. YMA hruaitute chu hmalakpuiah leh thawhpuiah a sáwm.

Covid-19 vanga inthlan huna zawm tur chi hrang hrang SEC-in a duante chu mipuite'n ṭha taka inthlan nía an zawm theih nan polling station-a duty turin YMA-te ruat an ni. Lunglei Sub-Hqrs. YMA hruaitute chuan, duty tur an inruat tur thu DC hnenah an hrilh.