Mamitah RUSA chungchang zirho

Mamit College chuan nimin khan an college-ah Rashtriya Uchchatar Shiksha Abhiyan (RUSA) chungchang zirhona, 'State level seminar on RUSA' an buatsaih a, Mamit DC Lalbiaksangi'n a hmanpui.

Lalbiaksangi chuan, RUSA hnuaia hmalakna tur hrang hrangte chu zirlaite'n an hlâwkpui ngei a beisei tih sawiin, zirlaite chu graduate nih mai duhtâwk lo a, thiam bik neih tum turin a chah.

Seminar-ah hian Mamit College-a zirtirtute leh RUSA joint project direc-tor Dr Zarzoliana ten RUSA hnuaia hmalak dan tur leh hmalak mekte an sawifiah a ni.

Seminar-a tarlan danin, kum 2017 atan RUSA hnuaiah Mamit College hmunhmá tihchangtlun nan cheng nuai 200 leh zirlaite thiamna kawng hrang hrang a tihhmasawnna atan cheng nuai 10 hmuh a ni dawn.