Kolasib district-a êk-in sak enfiah

10th March, 2016

Ministry of Drinking Water & Sanitation consultant Anju Upal chuan, nimin khan Meidum, Pangbalkawn leh Saihapui-K khuaa Swacch Bharat Mission hnuaia êk-in sakte a endik.

Anju Upal hian Village Health Sanitation member-te a kâwm a; an hmalakna te, khawtlang tana an hnathawh dante leh sorkarin êk-in a saksak vanga danglamna a awm leh awm lohte a zâwt a ni.

Village Health Sanitation member-te chuan, êk-in sak chuan khawtlang thianghlimna leh hriselna kawngah hmasawnna an hmuh phah thu an sawi a; êk-in vawn thianghlim kawngah tui dah khawlna a awm loh vangin harsatna an tawh thu an lo hrilh.

Anju Upal hi PHE executive engineer F Lalsanglura leh SDC Lalzikpuii ten an ṭawiawm a ni.

Kolasib PHE Division-te'n Swach Bharat Mission hnuaiah individual household latrine (IHHL) 100 an sa zo tawh a, kum 2016-17 chhungin êk-in 641 sak zawh an tum a ni.