Intihhlimna atan Inrinniah Lirthei tlan lohna siam duh

Aizawl DC Kannari Gopichand hoa nimina a pisaa sorkar mi pawi-mawhte ṭhukhawm chuan, naupang leh ṭhalaite'n in-tihhlimna an neih theihna atana Inrinni chawhnu lamah Zodin traffic point leh dak-inpui inkar chu No Vehcile Zone-a puan ṭhin ṭha an ti.

Khawpui ṭhang zel-ah mipui, a bik takin naupang leh ṭhalaite tan chawlh hahdamna leh intihhlimna hmun a vàn tial tial avangin Aizawl district administration chuan Aizawl khawpui chhungah lirthei kal vel tibuai loa mipui tana intihhlimna hmun, hunbi neia siam dan kawng a awm leh awm loh an ngaihtuah a ni.

Meeting chuan, a en-chhinna atan Zodin traffic point leh Dak-inpui kawng péng ṭhuam inkar chu naupang leh ṭhalaite'n intihhlimna hmun an neih theihna atan an thlang a; ruahman dan chuan, chawlhkar tin Inrinni chawhnu aṭangin No Vehicle Zone puan an rêl a ni.

Ruahmanna hi Aizawl South SDPO, Traffic SDPO leh Traffic SP-te zir chian tura dah a ni a; a ṭul anga ngaihtuah chhunzawm leh a ni ang.

Meeting-ah hian Ai-zawl SP Lalhu-liana, Traffic SP C Lalthan-mawia, Aizawl Municipal Corporation aiawh leh DC office-a officer-te an tel.