Transport Secretary hoin sumdawnna Lirtheite harsatna hrang hrang sawiho

Transport secretary Dr Franklin Laltinkhuma chuan, sumdawnna lirthei pawl hrang hrang hruaitute chu a tahtawlin a pisaa lêngah a sâwm a, an harsatna neihte a zawt.

Hetihlai hian Commercial Vehicle Joint Action Committee (CVJAC) hruai-tute chu zanin hian an ṭhukhawm dawn a, an kal zel dan tur an ngaihtuah ang.

Thu dawn danin, Transport Secretary hian sumdawnna lirthei neitu pawl zingah city bus hruaitu te, Mizoram leh inter-state maxi cab hruaitu te, pick-up hruaitu te, truck hruaitute leh 407 truck hruaitute a kawm tawh a; vawiinah pawl dang hruaitute nen an inkâwm leh ang.

Dr Franklin Laltinkhuma chuan, Transport Secretary hna chelh thar chauh a nih avangin lirthei neitu leh khalhtute chu an harsatna neihte a zawt a; CVJAC-te'n lungawi lohna an lantir chhan hrang hrangte chinfel dan tur chu inkawmnaah sawi lan a ni lo.

CVJAC hruaitute hnen aṭanga thu dawn danin, sorkar hmalak danah lung-awi-na tur an la hriat loh avangin zanin hian dis-trict hrang hranga CVJAC hruaitute chu an ṭhukhawm dawn a ni.

March 1, 2016 khan CVJAC bul-tum hian Mizoram pumah lungawi lohna lantirna atan sum-dawnna lirtheite an tlan lo a, chief secretary Lalmalsawma nen an inbiak hnuah lungawi lohna lantir hi an titawp. CS chuan, inhriatthiam lohna an neihte sawiho turin joint meeting a koh tur thu CVJAC hruaitute hi a hrilh.Thu dawn danin, Mizoram sorkar chuan CVJAC-te thil phût chungchangah a ngaihtuahtu tur committee a din dawn a, committee-te nen chuan CVJAC-te chuan joint meeting an nei ang.

Chumi bawhzui chuan Trans-ports Secretary chuan sumdawnna lirthei pawl hrang hrang hruaitute lêngah a sáwm a; inkawmnaah hian Transport Secretary hi Transport de-part-ment leh State Transport Authority (STA) hotute'n an ṭawiawm a ni.