RSBY-ah inziah luh theih

Kum 2016-17 atan ni-min aṭang khan Mizoram hmun hrang hrangah Rashtriya Swasthya Bima Yojana (RSBY)-a inziah luhna hun hawn ṭan a ni.

RSBY hi Mizoram State Health Care Society list siama below poverty line (BPL) chhungkua te, job card neite leh street vendor ten an damloh nikhuaa an hman tur health insurance a ni a; chhungkaw pakhat tan kum khatah Rs. 30,000 thleng hman theih a ni.

RSBY-a inziak lutte chuan thla an lak a, smart card an neih a ngai a, smart card hmangin damdawi-inah RSBY hamṭhatna hman theih a ni. Smart card nei lo tan hman theih a ni lo.

Kum 2016-17 chhung atana RSBY enrolment leh thlalak hi Mizoram hmun hrang hrangah thla thum chhunga zawh hman tum a ni a; RSBY-a inziak lut theite chu thla la ngei tura lo inbuatsaih turin Health department chuan an ngen.

Hre chiang duh tan Health sub-centre, Mizoram State Health Care Society pisa, Dinthar leh telephone no. 2310844-ahte zawh fiah theih a ni.