KHAWTHLIR

World Kidney Day

Vawiin hi World Kidney Day vawi 11-na a ni a; Mizoram Kidney Transplant Association chuan a vawi khat nan urhsûn takin an hmang dawn a, thupui chu 'Kal natna leh naupangte: Enkawl hma la pumpelh rawh' tih a ni. World Kidney Day-ah hian kal (kidney) natna leh a kaihhnawih chi hrang hrang te, kal natna laka invên dan leh inenkawl dante mipuite hnena zirtirna hun atan hman ṭhin a ni. Tunah hian khawvel ram 100 velin he ni hi an hmang ṭhin.

Lungleiah workshop

Administrative Training Institute (ATI) leh Lunglei College-a Seminar, Research & Publication Committee ṭangkawp chuan nimin khan Lung^-lei College-ah ‘Service Rules for Government Employess’ tih leh ‘Choice based Credit & Grading System’ tih thupui zirhona an buatsaih.

MR punkhawm

Vawiin hian Cabinet Meeting neih a ni dawn a; minimum wages ennawnna rel a nih dawn avangin National Trade Union of Mizoram (NTUM) chuan Cabinet thuchhuak ngaichángin Upper Khatlaa an pisaah punkhawm an tum a, muster roll-te chu chhun dar 12-ah kal vek turin an hriattir.

Consumer Day

Mamit district-a Consumer Rights Day hman dan tur nimin khan DC Lalbiaksangi hoin DC conference hall-ah ngaihtuah a ni a, March 15 ah Chhim Veng YMA hall-a hman nise, an ti.

In sak sak

Sialhawk branch YMA chuan an huam chhunga chhungkaw harsa pa-khat chenna in tur an sa. In hi a dung feet 28 leh a vang feet 12-a ni a, a sakna atan YMA-in Rs. 10,000 an tum bakah mi ṭhahnemngaite'n pawisa an thawhkhawm a, bialtu MLA Lalrinliana Sailo-in in chung tur rangva a tum.

Bank strike

United Forum of Regional Rural Bank Union (UFRRBU) huaihawtin India sorkara an thil phut chi hrang hrangte nawrna atan India ram pumah March 10 &11,2016 chhung hian All India Strike neih a ni dawn a, Mizoram Rural Bank-te pawhin an zawm dawn.