Beirut tan The Weeknd a penchhuak

R&B pop star The Weeknd chuan August 4-a Lebanon khawpui Beirut-a thil puak vanga harsatna tawkte ṭanpui nan $300,000 Global Aid for Lebanon hnenah a pe.

The Weeknd manager chuan,"Midangte harsatna hrethiam a, mi dangte ṭanpui duh artist ka thawhpui hi vannei ka in ti, ka tan chuan chawimawina a ni. Tuna Lebanon-a kan unaute harsatna tawh mek hi The Weekend chuan hre rengin ṭanpui duhna thinlung a pu a ni," a ti.

The Weekend bakah hian Ariana Grande leh Halsey-te chuan Lebanon-a chhiat tawhna thlenga harsatna tawkte ṭanpui nan donation an pe ve bawk a, chhiatna thleng kha anni pahnih pawh hian pawi an tih tak zet thu an social media lamah an tarlang.

August 4 khan Lebanon khawpui Beirut-a lawngchawlhna hmuna awm, warehouse, ammonium nitrate dahkhawmna hmun chu na takin a puak a, mi 100 chuangin nunna an chan bakah mi 1000 chuang an hliam a ni.