BCM pastor nupui inchinfel nan April 2016 thleng hun hawng

Baptist Church of Mizoram (BCM) rorelna sang ber, Assembly rorel inkhawm chu nimin khan BCM Hnahthial Bazar biak-inah neih a ni a; pastor nupui, sorkar hnathawk la báng lote chungchang ngaihtuah niin, an inchinfel nan April 2016 tawp thleng hun pek an rel.

Pastor nupui sorkar hna nghet thawkte chungchangah hian kum 2008-a BCM Assembly chuan thultukna a lo siam tawh a; pastor-te'n ṭha zawka rawng an bâwl theih nan an nupuite'n sorkar hna, a nghetin thawk lo se, an ti a, chu chu kum 2015 aṭanga kalpui ṭan a ni.

BCM Assembly-ah hian nimina rorel in-khawm ṭan veleh pre-sident kal chhuak Rev. C Ngurhnema'n president thar Rev. Lalthangliana Hnamte hnenah a mawh--phurhna a hlan a; nakkuma Assembly pre-sident atan Rev. H Lianngaia thlan a ni. Nimina rorel inkhawmah hian palai 923 an ni a, an zingah pastor thawk lai 91 leh pro. pastor 23 an tel.