March 27 aṭangin Delhi direct flight

Hmarchhaka Jet Air-ways hotute chuan, nimin zing khan chief minister Lal Thanhawla chu a chenna banglaah an hmu a, Lengpui Airport leh Delhi inkara thlawhtheihna thlawhtir an tum chung-chang an sawipui.

Ruahman lâwk dan chuan, Lengpui Airport to Delhi flight hi March 27, 2016-a thlawhtir ṭan tum a ni a; Delhi leh Lengpui Airport aṭanga a thlawh chhuah hnuah Guwahati-ah minute 15 a châwl ṭhin ang.

Jet Airways hotute chuan, Lengpui Airport tihchangtlun ni se tia rawtna an neih chu Chief Minister chuan sorkarin a phâk tâwk ang zelin hmalak a nih tur thu a sawi.

Lal Thanhawla chuan, thlawhtheihna chuan man to lutuk a ngaihmawh thu a sawi a; hemi chung-changah hian Jet Airways hotute chuan, an tum anga seat tam zawk siam belh a nih theih chuan chuan man a tlawm phah tur thu an hrilh.