Hmun pathumah heroin man

Excise & Narcotics department (END) leh YMA hnuaia ruihhlo dotute chuan, nimin khan hmun pathumah heroin an man a, a neitute an man tel bawk.

Champhaia END enforcement-te chuan nimin chhun dar 11:30 khan Champhai Electric Vengah heroin gram 14 leh a neitua puh Lalthanzuali (33) d/o Lalremtluanga (L), Kawlkulh nia inchhál an man.

Nimin chawhnu dar 1 khan Aizawla END Anti Narcotics Squad leh SRS-te chuan Dawrpuiah heroin gram 97 leh a neitua puh Vanlalmuana (22) s/o Lalpianruala (L), Zokhawthar an man bawk.

Kawnpui Vengthar YMA, Banglaveng YMA leh Kolasib SRS ṭangkawp chuan nimin tlai khan heroin chin sen 622 leh hawng thum an man a, Rs. 4,75,000 hû a ni. Heroin chhin sen 20 chu Lalzarmawii d/o Zomawia, Kolasib Khuangpuilam hnen a- ṭang-a man a ni a, a inpuanna aṭangin Zosang-zuali d/o Siamliana (L), Khuang-puilam-in a dah
ṭhat-tir chu a dahṭhatna in Ngurkhumthanga, Khuang-puilam hnen aṭang--in chhin sen 602 leh hawng thum an man leh a ni.