Degree lem lakah fimkhur turin chah

Mizoram Police headquarters chuan tun hnai khan district tina police hotute hnenah lehkha thawnin, Mizoram mipuite chu engineering degree lem pe chhuak ṭhin zirna-inte chungchangah fimkhur turin an chah.

Sorkar thuchhuah tarlan danin, Union Human Resource Develop-ment minister Smriti Irani hnenah Association of Qualified Engineers-te'n engineering degree lem pe chhuak ṭhin zirna-in hrang hrang laka fikmhur a ngaih thu an thlen a; chumi bawhzui chuan police hotute chuan fimkhurna tur thuchah an tichhuak a ni.

Association of Quali-fied Engineers-in HRD Minister hnena lehkha thehluha engineering degree lem pe chhuak
ṭhin an tarlante chu - JRN Rajasthan Vidyapeeth, Udaipur, Rajasthan leh Sandip Jha, Sandip Foun-dation, Sandip Academy & Scope Foundation University, Nasik, Ma-hrashtra-te an ni.

Institution pahnihte hian M.Tech, B.Tech leh engineering diplo-ma course atan distance education anga admission lain, zirlaite chu enginee-ring zirtir loin degree an pe zung zung a, a ṭhen chu an back-date tih hmuh chhuah a ni.

Police headquarters aṭanga lehkha thawn chhuah hi district hrang hranga police hotute hian an bawhzui nghal a ni.