Rualbanlote hnenah zirna hmanrua sem

Social Welfare department leh Secunderabad-a hmunpui nei, National Institute for Mentally Handicapped-te chuan nimin khan Chanmari YMA Hall-ah rilru lama rualbanlote inzirna hmanraw chi hrang hrang an sem a; Health minister Lal Thanzara khuallian a ni.

Lal Thanzara chuan, rilru lama rualbanlote'n tunlai thiamna hmanga siam zirna hmanraw
ṭha tak tak a thlawna an dawng thei tur chu lawmawm a tih thu sawiin, rualbanlo nia hriatte zingah khawvel hriata mi fing ber ber an awm thu a sawi.

Rualbanlo enkawltute chu hmangaihna nen tih tak zeta enkawl tura fuihin Minister chuan, "Mizo-ramin rualbanlote enkawl kawnga hma latu pawl hrang hrang leh mimal chhuanawm tak tak a neih laia rualbanlote ham-
ṭhat nana hmang duh, mi rinawm lo an lo awm leh zeuh ṭhin hi a pawi hle a ni," a ti.

Hmanraw sem in-khawm hi Social Welfare secretary Lalthangpuia Sailo-in a kaihriai a; Na-tional Institute for Men-tally Handicapped aiawhin special education & con-tro-ller of examination Ni-be-dita Patnaik-i'n hman-raw sem turte a sawifiah.

Zirna hmanrua an semte chu teaching & learning material kit 150 leh rilru lama rualbanlote hman ṭangkai theih tura duan laptop 20 a ni.