SISDP chungchang zirho a ni

Mizoram Remote Sensing Application Centre (MIRSAC) chuan, nimin khan Planning department conference room-ah vansang lam thiamna hmanga hmasawnna hna hrang hrang ruahmanna, Space-based Information Support for Decentralised Planning (SISDP) chungchang inzirtirna hun an buatsaih a, sorkar department aiawhte an tel.

MIRSAC-a principal scientist Dr Lalnunsiama Colney chuan, Indian Space Research Organization (ISRO), Department of Space-in SIS-DP project kalpui dan tur leh a senso thlengin a tumsak thu a sawi a, "Kum 2010 aṭangin MIRSAC-in he project hi a thawk ṭan a, peihfel thawkhat a ni tawh. Data-te hi Internet-Bhuvan portal-ah dah a ni dawn a, department-te leh mipui mimir hman theih a ni ang," a ti.

Zirhonaah hian MIRSAC senior scientist Hmingthanpuii'n Mizoram chhunga SISDP atana data hrang hrang siamte a lem nena entirin a sawifiah a; Mizoram chhunga lui luan dan, ram hman dan leh ramngaw khuh chin leh ram awih dan te, khaw hrang hrang leh inkalpawhna kawngte chiang taka a lan thu leh, data-te chu satellite thlalak fiah leh lian zawk aṭanga siam a nih thu a sawi.

Training-ah hian zawhna leh chhanna leh sawihona hun hman a ni bawk.