Cheng vbc. 12.98 hû ruihhlo hâl

Excise & Narcotics department (END) chuan ruihhlo an man khawm cheng vbc. 12.98 man hû, court-in tihral a phal tawhte chu nimin chawhnu khan Bethani Multipur-pose Farm, Phun-chawngah an hâl.

Ruihhlo hâl puala inkhawm buatsaih chu END joint commissioner Z Lalhmangaiha'n a kaihruai a; END commissioner Ngurchungnunga Sailo chuan, India sorkarin ruihhlo a ngaimawh thu sawiin, "A pelhè lohna turin dan a siam a, rei tak kawl a rem lo. A rang thei ang bera hâl zel tura tih a ni. Uluk takin kudam bik neiin kan dah ṭhin a, court-in tihral a phal hnuah kan tiral ṭhin," a ti.

Drugs Dissposal Committee secre­tary Peter Zohmingthanga, END deputy commi­ssioner ni bawk tarlan danin, ruihhlo hâlte chu Mizoram hmun hrang hranga man khawm a ni a; ruihhlo chi riat niin, tualchhunga hralhna ang chuan cheng vbc. 12.98 hûa chhût a ni.