Thisen pek chungchang inzirtir

Mizoram State AIDS Control Society (MSACS) leh Association for Voluntary Blood Donation (AVBD) chuan nimin khan Serchhip Kawnpui hall-ah thisen pek chungchang inzirtirna hun, Blood Donor Motivators Training an buatsaih a; Serchhip khawpuia kohhran ṭhalai pawl leh tlawmngai pawl hrang hrang aiawhte an tel.

Training hawnna inkhawm chu Serchhip District Hospital-a medical officer Dr Lalnunhlima Khiangte-in a kaihruai a, medical superintendent Dr ZD Lalmuanawma'n thu a sawi. Dr Lalnunhlima Khiangte bakah, MSACS assistant director F Lalmuanpuii leh Lalhmingliani Pachuau, AVBD Gen.Hqrs. general secretary Lalrinkima leh finance secretary Jacob Lalruatpuia ten thisen pek chungchanga hriat tur pawimawhte an zirtir a; sawihona hun hman a ni bawk.