Saza kutthlak lo turin mipui ngen

Thenzawl Divisional Forest Officer chuan tunlai hian Serchhip leh Keiṭum inkar, Bâwngchàwm leh Ralkiaua Khâm leh a chhehvelah Mizoram state animal - saza (serow) a awm tih an tarlang a, humhalh tur leh kutthlak lo turin mi tin an ngen.

Thenzawl DFO chuan, saza chu Wildlife (Protection) Act, 1972-in humhalhna sang ber a pek (schedule-I) a nih thu a tarlang a, "Dan kalha saza kâp an awm chuan kum 3-7 thleng lung-in tàn leh Rs 10,000 thleng chawitir theih a ni. Dan loa saza kutthlak an awm chuan danin a sawi angin an chungah hremna lek a ni ang," a ti.