Venghimtu turte'n vote an thlâk

Nimin khan district hrang hrangah inthlana duty turte'n postal ballot hmangin vote an thlak. Duty turte postal ballot hmanga vote thlak hi facilitation centre-ahte kalpui a ni a, Aizawlah chuan Mizo High School Hall-ah buatsaih niin, mi eng emaw zatin vote an thlak.

Kolasib-ah chuan inthlana venhimna hna thawktu turte tan Kolasib-a Samagra Shiksha BRC Hall-a facilitation centre buatsaihah vote thlak a ni a; 1st India Reserve Battalion, Mualvuma mite'n vote an thlak a, Kolasib DEO John LT Sanga'n a hmunah a enpui a ni.

Khawzawlah pawh DC Conference Hall-ah security duty tur police-te'n vote an thlak a, nimin khan vote thlak turin mi 177 ruahman a ni. Vawiin hian Election official-te leh DC pisaa mite tan vote thlakna hun hawn a ni ang a, Ningani leh Zirtawpni-ah pawh bial danga vote neite tan hun hawn leh a ni ang.