MSU-in Patiala-a zirlai bo an ngaihven

Mizo Students’ Union hruaitute chuan nimin khan Governor an hmu a, Punjab-a Mizo zirlai, Lalnunthiangi bo chungchangah, chak zawka zawn a nih theih nan a ṭul anga hma la tura ngenna lehkha an pe.

MSU chuan, Patiala-a Biotechnology-a Ph.D. Lalnunthiangi, Pathianni aṭanga chin hriat loha a awm chuan Mizo zirlai leh Mizoram khawtlang a nghawng tak zet thu tarlangin, "Zawn hmuh thuai a nih theih nan Punjab Police mai bakah, a ṭul dan anga Mizoram Police ngei a zawng tura tir turin Governor kan ngen a, Punjab-a Mizo zirlai la awmte himna tur ṭha zawk pek an nih theih nan Punjab state thuneitute biaksak turin kan ngen bawk," an ti.