Bekang eisualte damdawi-inah enkawl

Thenzawl khuaah mi eng emaw zatin bekang an eisual a, mi 17 chu damdawi-inah enkawl mek an ni. Bekang eisualte chu an kua a ṭha lo nasa a, an luak bakah, an khua a sik niin an sawi.

Thu dawn danin, mi eng emaw zatin bekang an eisual chu October 28, 2023, Inrinni zinga Thenzawl Bazara Kanghmun South khaw mite zawrh nia hriat a ni a; bekang an ei hnuah an nuamsam lo zui a, October 29, Pathianni tlai aṭang khan Thenzawla damdawi-in pahnih - Thenzawl CHC leh Ayush Hospital an pan a ni. Nimin thleng khan AYUSH Hospital-a inentir zinga mi pakua chu damdawi-inah enkawl zui an ni a, Thenzawl CHC-a inentir mi 15 zinga mi pali chu admit an ni bawk.