Myanmar meizial man

YMA Sub-Head­quarters, Champhai hnuaia Anti Covid Squad leh Champhai Police ṭang­kawp chuan nimin khan Myanmar meizial (cigarette) báwm lian 11 an man. Cigarette hi Mizorama hralhna ang chuan Rs. 3,85,000 hû a ni.

Champhai YMA leh police-te hian nimin zing dar 5:30 vel khan Champhai Venglaiah Farstar báwm lian panga leh a neitua puh Lalrammawia (48) s/o Lalliana, Seling khua nia insawi an man a, an phurhna lirthei pawh an man nghal. Nimin vêk khan Champhai Zotlangah pick-up (207) MZ-04 A-3441 aṭangin Farstar báwm lian paruk an man a, an manna lirthei khalhtu F Remlalnghaka (37) s/o Lalchhuanvawra, Champhai Zotlang nia insawi pawh an man nghal.

Lalrammawia leh F Remlalnghakte hi Champhai Police Station-ah thubuai siamsak an ni.