Thawmhnaw leh mutbu thawn

Mizoram Synod chuan Manipur buai vanga in leh lo chánte tan nizan khan thawmhnaw leh mutbu ṭhahnem tak a thawn. Manipur-a in leh lo chánte awmna tur in sak nan Synod hian kumin July thla khan cheng nuai 65 a lo pe tawh bawk.

Synod hruaitute'n an ngen angin Manipur buaina vanga in leh lo chánte tan Aizawla pastor bial panga - Mission Veng, Mission Vengthlang, Venghnuai, Kulikawn leh Tlangnuam bialte chuan thawmhnaw leh mutbu an thawh khawm a; páwl leh mimal ṭhahnemngaite'n an dah khawm bawk. Thawmhnaw leh mutbu truck phur thum chu nizan khan Manipur-a phurh thlen turin Synod moderator Rev. Dr C Chawnghmingliana'n a vailiam a ni.

Mizoram Synod hian Manipur tualchhung buaina tuartu, in sak thara awm chhungkaw 250-te bungbél tur pawh tun kar chhungin thawn leh a tum a ni.