IAF hotu ber a rawn zin

Indian Air Force hotu ber, air chief marshal VR Chaudhari chuan nimin zing khan Champhai district-a Farkawn khua a tlawh a; nimin vêk khan Governor Dr Hari Babu Kambhampati nen Raj Bhavan-ah an inkâwm.

Air chief marshal VR Chaudhari hian Farkawna Assam Rifles hmun leh a chhehvela IAF hmalaknate a enfiah a; thawktute leh Champhai district-a sorkar hotute nen inkâwmin, mipui him nan theihtawp chhuah tlâng zel turin a chah.

VR Chaudhari hian nimin khan Raj Bhavan-ah Governor Dr Hari Babu Kambhampati a kâwm a, Farkawn khua leh a chhehvela IAF hmalakna a tlawh chungchang a hrilh. Assam Rifles hotute a kawm dawn bakah, Reiek tlang a tlawh dawn bawk a ni.